మరోసారి తండ్రి కాబోతున్న షారుఖ్‌..!

మరోసారి తండ్రి కాబోతున్న షారుఖ్‌..!

 బాలీవుడ్‌ బాద్‌షా షారుఖ్‌ ఖాన్‌కు అభిమానులతో సరదాగా ముచ్చటించడమంటే మహా సరదా. అలాగే అభిమానుల చిలిపి ప్రశ్నలకు షారుఖ్‌ ఇచ్చే సమాధానాలు కూడా అలాగే ఉంటాయి. ఇప్పుడు ఆ ప్రస్తావన ఎందుకంటే.. తాజాగా ఓ జాతీయ మీడియాతో మాట్లాడిన షారుఖ్‌.. తనకు ఆకాంక్ష అనే పేరు అంటే ఎంతో ఇష్టమని.. ఒకవేళ తాను మళ్లీ తండ్రి అయ్యే అవకాశం వస్తే పుట్టే బిడ్డకు ఆ పేరే పెడతానంటూ సరదాగా వ్యాఖ్యానించారు.

ఈ విషయంపై ట్విటర్‌లో స్పందించిన ఓ అభిమాని.. ‘ ఓ మై గాడ్‌.. ఓ మై గాడ్‌.. మీరు నాలుగోసారి తండ్రి కాబోవడం నాకు చాలా చాలా సంతోషంగా ఉంది. నా కల నెరవేరబోతుందంటూ’  క్రేజీ కామెంట్‌ చేశాడు. అభిమాని ట్వీట్‌కు స్పందించిన షారుఖ్‌.. ‘ఓ మై గాడ్‌.. ఓ మై గాడ్..! ఒకవేళ నీ కల నిజమైతే అబ్‌రాం దుస్తులు ఇప్పటి నుంచే దాచి పెట్టాలి. భవిష్యత్తులో పనికొస్తాయి కదా’  అంటూ చిలిపిగా సమాధానమిచ్చారు. కాగా షారుఖ్‌- గౌరీ ఖాన్‌ దంపతులకు ఆర్యన్‌, సుహాన, అబ్‌రాం అనే ముగ్గురు పిల్లలున్న సంగతి తెలిసిందే.