ఐర్లాండ్ కొండపై ....జారిపడి భారత విద్యార్థి మృతి

ఐర్లాండ్ కొండపై ....జారిపడి భారత విద్యార్థి మృతి

 భారతదేశానికి చెందిన ఓ విద్యార్థి ఐర్లాండ్‌లో సెల్ఫీ తీసుకుంటూ ప్రమాదవశాత్తు జారి పడి మృతి చెందాడు. ఈ ఘటన కంట్రీ క్లేర్‌లోని మొహెర్ కొండ మీద చోటు చేసుకున్నది. అది టూరిస్ట్ స్పాట్. చాలా మంది అక్కడికి వెళ్లి ఫోటోలు తీసుకుంటారు. అక్కడ కాసేపు గడుపుతారు. అలాగే భారత్‌కు చెందిన ఓ యువకుడు కొండ ప్రాంతానికి వెళ్లి సెల్ఫీ తీసుకోబోయి కాలు జారి.. కింద ఉన్న సముద్రంలో పడి చనిపోయాడు. యువకుడు ఎవరనేది గుర్తుపట్టనప్పటికీ.. ఆ యువకుడు డబ్లిన్‌లోని యూనివర్సిటీలో చదువుతున్నట్టు.. అతడి వయసు 20 ఉండొచ్చని పోలీసులు వెల్లడించారు. 


ఆ యువకుడు కింద పడిపోవడానికి గమనించిన స్థానికులు వెంటనే ఎమర్జెన్సీ సర్వీసెస్‌కు సమాచారం అందించారు. వెంటనే హెలికాప్టర్ ద్వారా అతడి కోసం గాలించారు. హెలికాప్టర్ నుంచి అతడిని గుర్తించిన రెస్క్యూ టీం అతడిని పైకి లాగి.. వెంటనే డూలిన్‌లో ఉన్న ఆసుపత్రికి తరలించారు. కానీ.. అప్పటికే ఆ యువకుడు మృతి చెందినట్టు డాక్టర్లు తెలిపారు. భారత్‌లోని తన కుటుంబ సభ్యులకు సమాచారం అందించినట్టు పోలీసులు తెలిపారు. 2007లోనూ ఓ హంగేరియన్.. అదే కొండ మీద ఫోటోలు తీసుకుంటూ జారి కింద పడి మృతి చెందాడు.