హైదరాబాద్ గురించి మనకు తెలియని ఆసక్తికరమైన విషయాలు !

హైదరాబాద్ గురించి మనకు తెలియని ఆసక్తికరమైన విషయాలు !

హైదరాబాద్ గురించి మనకు తెలియని ఆసక్తికరమైన విషయాలు !
 

హైదరాబాద్ నగరం భారతదేశ సుప్రసిద్ధ నగరాలలో ఒకటి. కుతుబ్ షా రాజవంశీయులలో ఒకరైన మహమ్మద్ కులీ కుతుబ్ షా క్రీ.శ.1591 లో ఈ నగరాన్ని నిర్మించాడు. స్థానిక కథనం మేరకు, ఆస్థాన నర్తకి భాగమతి తో ప్రేమలో పడిన సుల్తాన్, వారి ప్రేమకు గుర్తుగా ఈ నగరానికి 'భాగ్యనగరం' గా పేరు పెట్టాడు. పెళ్లైన తర్వాత భాగమతి ఇస్లాం మతాన్ని స్వీకరించి, హైదర్ మహల్ గా మార్చుకుంది. దానిని అనుసరించే 'హైదరాబాద్' గా రూపాంతరం చెందినది. ఇదిచరిత్ర మరి ప్రస్తుతం హైదరాబాద్ ఎలా ఉంది ? భారతదేశంలోని అతిపెద్ద నగరాలలో ఐదవది హైదరాబాద్. పక్కనున్న చిన్న చిన్న మునిసిపాలిటీలు కలుపుకొని 'గ్రేటర్ హైదరాబాద్' గా ప్రపంచపటంలో గుర్తింపు సంపాదించుకొంది. సుసంపన్నమైన సాంస్కృతిక వారసత్వానికి, చరిత్రకు, కట్టడాలకు, మసీదులకు దేవాలయాలకు, కళలకు, హస్తకళలకు మరియు నాట్యానికి, సినీ రంగానికి ప్రసిద్ధి. గడిచిన దశాబ్ద నుంచి సాఫ్ట్ వేర్ రంగంలో కూడా ప్రఖ్యాతలు సంపాదిస్తున్నది. హైదరాబాద్ లో చార్మినార్ ఎంత ఫెమసో బిర్యానీ, చాయ్, సమోస అంతే ఫెమస్. హైదరాబాద్ నగరంలో అడుగుపెట్టిన ప్రతి పర్యాటకుడు బిర్యాని రుచి చూడకుండా వెనుతిరగడు. అసలు బిర్యాని తినకపోతే హైదరాబాద్ పర్యటన సంతృప్తి కాదంటే అతిశయోక్తి కాదా మరి ! కేవలం ఇవేకాదు యాత్రికులను కట్టిపడేసే హైదరాబాద్ గురించి మనకు తెలియని ఎన్నో విషయాలు చరిత్రపుటల్లో దాగివున్నాయి. 

కృతిమ సరస్సులు హైదరాబాద్ సరస్సుల నగరం. దీని చుట్టూ ఉన్న కృతిమ సరస్సులు పర్యాటకులకు ఆనందాన్ని కలిగిస్తాయి. హైదరాబాద్ శివార్లలో 140 సరస్సులు కలిసే చోట ఒక పెద్ద ఆనకట్ట నిర్మించారు. ఇసి చూడటానికి అద్భుతంగా ఉంటుంది. హుస్సేన్ సాగర్, హిమాయత్ సాగర్, ఉస్మాన్ సాగర్ లు వాటిలో కొన్ని.

అతిపెద్ద ఫిలిం సిటీ ప్రపంచములోనే అతి పెద్ద ఫిలిం సిటీ లలో ఒకటైన రామోజీ ఫిలిం సిటీ హైదరాబాద్ నగరం నుండి విజయవాడ కు వెళ్లే మార్గంలో ఉన్నది. ఇది సుమారు 2000 ఎకరాలలో విస్తరించి ఉంది. హాలివూడ్, బాలీవుడ్ తో పాటు అన్ని చిత్రపరిశ్రమల సినిమాలు, సీరియల్ షూటింగ్ లు తరచూ ఇక్కడ చిత్రీకరిస్తుంటారు. ప్రతిరోజూ సంగీత, నృత్య కార్యక్రమాలు నిర్వహిస్తుంటారు.

కోహినూరు కోహినూరు వజ్రం ను ప్రపంచంలో అతి ఖరీదైన, పెద్దయిన వజ్రం గా పరిగణిస్తారు. ప్రస్తుతం ఇది బ్రిటన్ రాణి కిరీటంలో ప్రధాన వజ్రంగా ఉన్నది. తెలుగునాట కృష్ణా నది తీరంలో ఈ వజ్రం లభించినది. హైదరాబాద్ నగర చరిత్రలో ఈ వజ్రానికి ప్రత్యేక స్థానం కలదు. దీని ఖరీదు 10-12 బిలియన్ డాలర్లు.

ప్రసాద్ ఐమాక్స్ ప్రపంచములో రెండవ అతిపెద్ద 3డి ఐమాక్స్ తెర హైదరాబాద్ లోని ప్రసాద్ ఐమాక్స్ లో కలదు. 235000 చదరపు అడుగుల విస్తీర్ణంలో ఉంది ఈ ఏసీ మల్టిప్లెక్స్. ఫుడ్ కోర్ట్, గేమ్స్ జోన్, షాపింగ్ మాల్స్ ఈ కాంప్లెక్స్ లో ఉన్నాయి. స్క్రీన్ : 72 అడుగుల ఎత్తు, 95 అడుగుల పొడవు, 1200 వాట్ సౌండ్ సిస్టం, 635 సీట్లు కలిగి ఉన్నది

భారతదేశ ఐటీ కేంద్రం 19 వ శతాబ్దం చివరి దశకంలో హైదరాబాద్ ఐటీ వైపు అడుగులేసి, నేడు బెంగళూరు తర్వాత రెండవ సిలికాన్ సిటీగా అభివృద్ధి పథంలో దూసుకెళ్తున్నది. నేడు ఎన్నో బహుళ జాతి సంస్థలకు, పరిశ్రమలకు హైదరాబాద్ కేంద్రబిందువుగా నిలిచింది. ప్రపంచములో పేరెన్నికగల MNC కంపెనీలు హైదరాబాద్ లో ఉన్నాయి.

బుద్ధవిగ్రహం ప్రపంచములో నిలబడి ఉన్న బుద్ధుని అతి పెద్ద ఏకశిలా విగ్రహం హైదరాబాద్ లో కలదు. దీనిని హుస్సేన్ సాగర్ సరస్సు మధ్యలో ఉంచారు. దీని ఎత్తు 17. 5 అడుగులు, బరువు 350 టన్నులు. హైదరాబాద్ కు అంతర్జాతీయ ఖ్యాతి తీసుకురావటంలో బుద్ధవిగ్రహం ప్రముఖపాత్ర వహిస్తున్నది.

హైదరాబాద్ బిర్యాని ప్రపంచములో ఎక్కడ తిన్నా ఇది మన బిర్యానీ అనిపించేదిగా ఉంటుంది హైదరాబాద్ బిర్యానీ. ఏ దేశ, విదేశీ ప్రముఖులు హైదరాబాద్ వచ్చినా ముందుగా టెస్ట్ చేసేది హైదరాబాద్ బిర్యానీనే. అమెరికా వైట్ హౌస్ లో కూడా బిర్యాని వడ్డిస్తారంటే ఎవరికైనా ఆశ్చర్యం కలగకమానదూ ! హైదరాబాద్ బిర్యానీయా ! మజాకా ..!

చార్మినార్ చార్మినార్ హైదరాబాద్ చిహ్నం. పాతబస్తీ ఏరియాలో ఉంటుంది. నగరానికి ప్రముఖ ఆకర్షణ ఇది. నగరంలో ప్లేగు వ్యాధి వ్యాపించకుండా నిర్మూలించిన దైవశక్తులకు కృతజ్ఞతా భావంతో ఈ స్మారక చిహ్నాన్ని నిర్మించారు పూర్వీకులు.

బిర్లామందిర్ బిర్లా మందిర్, నౌబత్ పహాడ్ అనబడే చిన్న కొండ పై రాజస్థాన్ నుండి తెప్పించిన తెల్లని పాలరాతి చలువ రాళ్లతో నిర్మించారు. ఇది కట్టడానికి 10 సంవత్సరాలు పట్టింది. ప్రధాన దైవం వెనకటేశ్వర స్వామి. ప్రశాంతతకు భంగం కలగకూడదని గంటలు కూడా ఏర్పాటుచేయలేదు

మక్కామసీదు మక్కా మసీద్ చార్మినార్ పక్కనే కలదు. ఇది ముస్లింల ప్రార్థనా స్థలం. ముస్లిం ల పవిత్ర స్థలం మక్కా నుండి ఇటుకలను తెప్పించి మసీదు ను నిర్మించారని చెబుతారు. హాలు 75 అడుగుల ఎత్తు, 220 అడుగుల వెడల్పు, 180 అడుగుల పొడవు కలిగి ఉంటుంది. మసీదులో మహమ్మద్ ప్రవక్త పవిత్ర కేశం భద్రపరిచారు.

గోల్కొండ కోట గోల్కొండ కోట హైదరాబాద్ నగరం నుండి 11 కి.మీ ల దూరంలో కలదు. దీనిని 120 మీ. ఎత్తైన ఒక నల్లరాతి గుట్ట పై నిర్మించారు. కోటలోని ఉద్యానవనాలు, చిన్న చిన్న కట్టడాలు ఆకర్షణలుగా నిలిచాయి. చప్పట్లు కొడితే 91 మీ. ఎత్తున్న రాణి మహల్ వద్ద ఆ శబ్దం వినిపించడం, గోడ వద్ద మాట్లాడితే మరో గొడవ వద్ద వినిపించడం కోటలో ఆశ్చర్యాన్ని కలిగించే విషయాలు.

ఇరానీ చాయ్ ఇండియాలో ఇరానీ చాయ్ మొదట హైదరాబాద్ లోనే ప్రారంభమైనది. ఇరానీ చాయ్ పర్షియన్ బ్రాండ్. అయినా హైదరాబాద్ లో ఇరానీ చాయ్ కేఫ్ లు 25 వరకు ఉన్నాయి. వాటిలో కొన్ని : హోటల్ ఇక్బల్, సర్వి బేకర్స్, నిమ్రాహ్ కేఫ్ మొదలైనవి.

రాజీవ్ గాంధీ ఎయిర్ పోర్ట్ ప్రపంచ విమానాశ్రయాలలో అధిక విశేష లక్షణాలున్న విమానాశ్రయంగా అగ్రభాగాన నిలిచింది శంషాబాద్ ఎయిర్ పోర్ట్. ఏటా 40 మిలియన్ ప్రయాణీకులకు సేవలందించే విధంగా దీని నిర్మాణం కలదు. ఈ ఎయిర్ పోర్ట్ 5500 ఎకరాలలో నిర్మితమైనది.

సాలార్ జంగ్ సాలార్ జంగ్ మ్యూజియం దక్షిణా భారతదేశంలోని ఉత్తమ మ్యూజియాలలో ఒకటి. ఈ మ్యూజియంలో ప్రపంచం మొత్తం మీద నుంచి తెప్పించిన 40 వేలకు పైగా వస్తువులు ప్రదర్శిస్తున్నారు.

4 వ స్థానం దేశంలో జనాభా పరంగా 4 వ స్థానంలో ఉంది హైదరాబాద్. హైదరాబాద్ నగర జనాభా 6.8 మిలియన్లు (68 లక్షలు).

షాపింగ్ షాపింగ్ లకు స్వర్గ ధామం హైదరాబాద్. ప్రపంచంలో పెరిన్నిక గల అన్ని బ్రాండెడ్ వస్తువుల నుంచి లోకల్ వస్తువుల దాకా అన్నీ దొరుకుతాయి. రిటైలర్ వ్యాపారాలకు ఈ ప్రదేశం చక్కటి ఉదాహరణ. జీవీకే మాల్, హైదరాబాద్ సెంట్రల్, అబిడ్స్, బిగ్ బజార్ మొదలుగునవి.